مراجعة ومواصفات ايباد برو 2021 - سعر iPad Pro و أهم مميزاته

تابعنا على تيليجرام لتحديثات التطبيقات والألعاب



إعلان

مراجعة ومواصفات ايباد برو 2021

شركه ابل اعلنت يوم 20 ابريل 2021 في مؤتمرها الخاص لمجموعه من المنتجات الجديده وكان منها ال ايباد برو 12.9 بوصه

والجهاز بدأ ينزل السوق من يوم 21 مايو 2021

الشبكة والانترنت

  • بيدعم شريحتين واحده من نوع نانو سيم والثانيه من نوع امبدد سيم.

التصميم

تصميم الجهاز من حيث الابعاد بيكون طوله 280.6 ميلي و عرضه 214.9ميلي و سُمكه 6.4 ميلي

الجهاز بيتوفر منه نسختين نسخه فيها واي فاي بس ودي وزنها 682 جرام و النسخة الثانية يتوفر فيها واي فاي وبيانات الهاتف او اللي بنسميها البيانات الخلويه ودي وزنها 685 جرام

فلازم تاخذ بالك وانت بتشتري علشان متتفاجئش

الشاشة

مساحه الشاشه 12.9 انش نوعها Liquid retina XDR بمعدل 120 هرتز بدقه 2048 × 2732 بيكسل بتتميز بطبقة حماية لزجاج مقاوم للخدش و طلاء مقاوم للزيوت كمان بتتميز  ب HDR10 & Dolby vision.

هنتكلم شويه بقا عن الميني ليد الل في الشاشة وهو اللي شركة ابل استخدمته في الإصدارات الجديدة باختلاف عن الجيل اللي فات فقدرت  توصل عددها من 72 ل 10,000 ميني ليد و كمان جمعتهم كلهم ف حزم كده وصل عددها ل 2500 حزمه وده حجم مهول هيخلي ال Contrastعالي جدا معاك

السيستم

اما بالنسبة لنظام التشغيل فالبروسيسور بيكون Apple M1  البروسيسور ده 8Core CPU - 8Core GPU - 16Core NE و ده نفس البروسيسور الل موجود في الماك اصدار السنه دي واجهة الاستخدام iPad OS 14.5  وقابل للتحديث ل 14.6.

الذاكرة

  • الجهاز بيتوفر منه نسختين نسخه 8 جيجا رام و دى لل اجهزة الل مساحة تخرينها 128 جيجا و 256 جيجا وال 512 جيجا أما ال 16 جيجا رام مع الأجهزة الل مساحة تخرينها 1 تيرابايت و 2 تيرا بايت.
  • لا يدعم كارت ميموري.

الكاميرا الخلفية

اما عن الكاميرا الخلفية فبتكون كاميرا ثلاثية الكاميرا الاولى 12 ميجا بيكسل ب فتحه عدسه 1.8 ودي الكاميرا الأساسية اما الكاميرا الثانية بتكون 10 ميجابايت بفتحه عدسات 2.4 ودي خاصه بالتصوير الواسعة اما عن الكاميرا الثالثة فهي للـ3D Lidar - TOF Scanner ودي خاصه بالعزل.

بالنسبة للفيديو تقدر تصور بجوده 4K بمعدل التقاط 24 و 25 و 30 و 60 اطار في الثانية كمان هتقدر تصور بجوده 1080 بمعدل التقاط 25 و 30 و60 و120 240 اطار في الثانية.

الكاميرات الخلفية بتتميز بـ Quad LED, dual tone flash , HDR

الكاميرا الأمامية

الكاميرا الأمامية بقى كاميرا احاديه بجوده 12 ميجا بكسل فتحه عدسه 2.4 وديل التصوير الواسع و بتتميز HDR , Panorama , Face detection

خاصيه الـ Face Detection بتساعدك انك لو فاتح لايف او بتكلم حد فيديو كول والجهاز ثابت وانت بتتحرك يمين وشمال هتلاقي الكاميرا بتتحرك معاك اثناء التصوير و دي حركه ذكيه جدا من ابل.

الكاميرا الأمامية تساعدك تصور فيديو بجوده 1080 بمعدل التقاط 25 و 30 و 60 اطار في الثانية.

الصوت

بالنسبة للصوت فهو مش بيدعم مدخل 3.5 مللي الخاصة بالهاند فري لكنه بيدعم اربع سماعات ستيريو قويه جداً.

  • يدعم واي فاي بلوتوث و جي بي اس 
  • يدعم USB Type C
  • يدعم Thunderbolt 4 يعني هتقدر تعمل كونكت مع أي شاشه من آبل زي ال XDR مثلاً

أو تعمل كونكت لأي مونيتور يدعم ال Thunderbolt.

البطارية

  • نوعها ليثيوم بوليمر غير قابلة للإزالة قدرتها 40 وات /ساعه.

هي مش هتختلف كتير عن الإصدار الل فات لأن زي ما آبل زودت حجم البطارية فبرضو زودت كمان ليدات الشاشة فتقريبا ممكن متلاحظش فرق ولكن الجهاز هيقعد معاك 10 ساعات حسب كلام آبل.

الوانه المتوفرة سيلفر و جراي

ايه الفرق بقى بين الأيباد اصدار 2021 وإصدار السنه اللي فاتت 2020 طبعا هو فرق بسيط جدا وهو ان أيباد برو 2021 أسمك شويه من الإصدار القديم وطبعا في الوزن اثقل والتكنولوجيا الحديثة اللي اتضافت في الشاشة زي ما تكلمنا عليها من شويه.

السعر

بالنسبة بقى لسعره انا هقول السعر التقريبي لأني مش متأكد من السعر ده وهو حوالي 1200 دولار يعني حوالي 18834.56 جنيه مصري.

المراجعة:

تابعنا على تيليجرام لتحديثات التطبيقات والألعاب

إعلان


شارك التطبيق مع الأصدقاء


جارى تحميل التعليقات ...
  1. التدوينة التالية
  2. التدوينة السابقة

المتابعون